Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont

Dwar

Aħna nikkontribwixxu biex inżommu s-sistema bankarja fl-Ewropa sikura u soda.

Is-superviżuri bankarji Ewropej jikkontribwixxu biex is-sistema bankarja tinżamm sikura u soda. Nagħmlu dan sabiex tkunu żgurati li l-banek jistgħu jegħlbu kriżi.

Superviżjoni konsistenti u standardizzata fiż-żona tal-euro tgħin biex iżżomm flusek sikuri u tiżgura li l-banek ikunu jistgħu jwettqu l-funzjonijiet vitali tagħhom u jagħtu self lin-nies u lid-ditti.

Aħna s-superviżjoni bankarja Ewropea

Is-superviżjoni bankarja Ewropea tinkludi l-BĊE u s-superviżuri nazzjonali tal-pajjiżi parteċipanti. Wara l-kriżi finanzjarja, il-ħtieġa li l-banek jiġu ssorveljati b’mod aktar effettiv saret aktar urġenti. Is-superviżjoni bankarja Ewropea, li bdiet fl-2014, inħolqot biex tindirizza dan. Hija waħda miż-żewġ pilastri tal-Unjoni Bankarja tal-UE.

Skopri aktar dwar is-superviżjoni bankarja Ewropea

Aħna nissorveljaw l-akbar banek fil-pajjiżi parteċipanti

Aħna nissorveljaw direttament l-akbar banek fil-pajjiżi parteċipanti. Biex nagħmlu dan, naħdmu mill-qrib mas-superviżuri nazzjonali. Huma jissorveljaw ukoll il-banek iż-żgħar fil-pajjiżi rispettivi tagħhom.

Skopri aktar dwar il-banek li nissorveljaw

Nistgħu nissanzjonaw lill-banek jekk ma jikkonformawx

Aħna nieħdu diversi azzjonijiet biex niżguraw il-konformità mar-regoli u r-regolamenti. Nistgħu nitolbu lill-banek iżommu aktar kapital, nistgħu nissanzjonawhom jekk jiksru r-regoli u nistgħu nagħtu u nirtiraw liċenzji bankarji. Dan jagħmel is-superviżjoni tagħna effettiva.

Skopri aktar dwar il-kompiti tagħna

Aħna niżguraw li s-superviżjoni tkun konsistenti

Għarfien ġdid u kontrolli regolari tal-kwalità jgħinuna ntejbu l-proċessi tagħna b’mod kostanti. Dan jagħmel il-prattiki tagħna aktar effiċjenti. Tgħinna wkoll biex narmonizzaw aktar is-superviżjoni tal-banek kollha fil-pajjiżi parteċipanti.

Skopri aktar dwar l-approċċ tagħna

Aħna responsabbli lejn iċ-ċittadini Ewropej

Is-superviżjoni tal-banek hija responsabbiltà kbira. Biex inwettqu dan il-kompitu, jeħtieġ li nkunu indipendenti fit-teħid tad-deċiżjonijiet tagħna. Imma dan ma jfissirx li nistgħu nagħmlu dak kollu li rridu. Aħna responsabbli bis-sħiħ lejn il-Parlament Ewropew u l-Kunsill tal-UE u nirrappurtaw regolarment dwar id-deċiżjonijiet tagħna.

Skopri aktar dwar ir-responsabbiltà tagħna

Storja tas-superviżjoni bankarja Ewropea

Il-fergħa tas-superviżjoni bankarja tal-BĊE bdiet topera fl-2014. Skopri aktar dwar l-istadji ewlenin – mill-proposta inizjali sal-aħħar żviluppi.

Stadji fundamentali fis-superviżjoni bankarja

Skopri aktar dwar is-superviżjoni bankarja Ewropea

Kif jittieħdu d-deċiżjonijiet

Aħna nieħdu bosta deċiżjonijiet li huma vinkolanti għall-banek. Id-deċiżjonijiet jitħejjew mill-Bord Superviżorju u jiġu adottati mill-Kunsill Governattiv tal-BĊE.

Kif jittieħdu d-deċiżjonijiet
Qafas legali

Aħna naħdmu fi ħdan qafas legali u ta’ politika definit b’mod ċar. Dan il-qafas jistabbilixxi x’nistgħu nagħmlu, x’nistgħu nistennew mill-banek taħt is-superviżjoni tagħna u x’jistgħu jistennew mingħandna.

Qafas legali
Unjoni bankarja

Is-superviżjoni bankarja Ewropea hija waħda miż-żewġ pilastri tal-unjoni bankarja li twaqqfet wara l-kriżi finanzjarja tal-2008. L-unjoni bankarja għandha l-għan li toħloq suq aktar trasparenti, unifikat u aktar sikur għall-banek.

Tagħrif ieħor

Superviżjoni bankarja Ewropea

X’inhu l-Mekkaniżmu Superviżorju Uniku? Kif jaħdem u x’nagħmlu? Skopri aktar fuq dan f’video introduttorju ta’ tliet minuti.

Ikkuntattjana

Għandek xi domandi dwar is-superviżjoni bankarja Ewropea u x’nagħmlu? Sib it-tweġibiet għall-mistoqsijiet l-aktar popolari jew ibgħatilna waħda tiegħek inti.

ESPLORA IL-WEBSAJT TAGĦNA

Tgħallem aktar dwar dak li nagħmlu

Superviżjoni. Xi tkun?

Biex taqra aktar dwar dak li nagħmlu, iċċekkja l-ispjegazzjonijiet tagħna. Huma jispjegaw suġġetti ewlenin biex jgħinuk tifhem aħjar is-superviżjoni bankarja.

Superviżjoni. Xi tkun?

Ħu sehem fl-inizjattivi taż-żgħażagħ tagħna

Id-deċiżjonijiet li nieħdu jista’ jkollhom impatt fuq il-ħajja tiegħek ta’ kuljum. Aħna norganizzaw avvenimenti madwar l-Ewropa biex ninvolvu ruħna maż-żgħażagħ direttament u nisimgħu l-fehmiet u l-ideat tiegħek.

Ivverifika l-aħħar inizjattivi tagħna
NOT AN EXPERT? CHECK OUT OUR EXPLAINER
LEARN MORE
Ħarsa lejn is-Superviżjoni Bankarja Ewropea

Il-paġni kollha f’din it-taqsima

Il-Whistleblowing (l-iżvelar ta’ informazzjoni protetta)