Valutazzjonijiet komprensivi
F’koperazzjoni mas-superviżuri nazzjonali, il-BĊE jwettaq kontrolli finanzjarji tas-saħħa għall-banek li jissorvelja direttament. Dawn il-kontrolli jissejħu valutazzjonijiet komprensivi. Dawn jgħinu biex jiżguraw li l-banek ikunu kapitalizzati b’mod adegwat u jistgħu jifilħu għal kwalunkwe xokk makroekonomiku u finanzjarju.
L-għanijiet ewlenin ta’ valutazzjoni komprensiva huma li:
| Tiġi żgurata t-trasparenza | Tittejjeb il-kwalità tal-informazzjoni disponibbli dwar il-kundizzjoni tal-banek |
|---|---|
| Jissewwew in-nuqqasijiet | Jiġu identifikati l-problemi u implimentati l-azzjonijiet korrettivi meħtieġa |
Tinbena l-fiduċja | Il-partijiet ikkonċernati kollha jkollhom serħan tal-moħħ li l-banek huma essenzjalment sodi u ta' min jafdahom |
Il-valutazzjonijiet komprensivi jitwettqu kif ġej:
- F’każijiet regolari, il-BĊE jwettaq kontroll tas-saħħa inizjali għall-banek kollha li reċentement ġew ikklassifikati jew x'aktarx li dalwaqt ikunu kklassifikati bħala sinifikanti (li jfisser li issa se jkunu ssorveljati direttament mill-BĊE). Dawn il-kontrolli tas-saħħa inizjali jinkludu analiżi tal-kwalità tal-assi (AQR) li tiffoka fuq ir-riskju tal-kreditu, ir-riskju tas-suq u l-proċessi ta’ governanza. Barra minn hekk, il-banek huma inklużi fil-kampjun ta’ banek oħra taħt superviżjoni diretta għat-testijiet tal-istress superviżorji regolari mwettqa mis-Superviżjoni Bankarja tal-BĊE. L-AQR u l-ewwel test tal-istress għal banek sinifikanti ġodda jitwettqu separatament u għalhekk jiġu ppubblikati separatament.
-
F’każijiet ad hoc, il-BĊE jista’ jwettaq valutazzjonijiet komprensivi kemm b’AQR kif ukoll b’test tal-istress. F’każijiet bħal dawn, iż-żewġ eżerċizzji għandhom l-istess data ta’ referenza u r-riżultati tagħhom jiġu ppubblikati fl-istess ħin.
Riżultati
Kull valutazzjoni komprensiva tikkonkludi bid-divulgazzjoni tad-data fil-livell tal-bank.
B'mod partikolari, ir-riżultati tal-valutazzjoni huma kkunsidrati fil-valutazzjoni kontinwa tar-riskji tal-banek, il-governanza, il-kapital u l-likwidità bħala parti mill-Proċess ta' Rieżami u Valutazzjoni Superviżorja (SREP).
Meta valutazzjoni komprensiva ssir b’risposta għal talba minn pajjiż tal-UE barra ż-żona tal-euro li jrid kooperazzjoni iktar mill-qrib mal-BĊE, is-superviżur nazzjonali ta’ dak il-pajjiż jaġġorna s-sejbiet.
- 22 ta' Lulju 2022.
- 9 ta' Lulju 2021.
-
Il-BĊE jikkonkludi l-valutazzjoni komprensiva ta’ żewġ banek Taljani, bank Estonjan u wieħed Litwan
- 5 ta' Ġunju 2020
-
Il-BĊE jikkonkludi valutazzjoni komprensiva tas-sussidjarji UBS u Bank of America
- 5 ta' Ġunju 2020
-
Il-BĊE jikkonkludi l-valutazzjoni komprensiva ta’ ħames banek Kroati
- 26 ta' Lulju 2019
-
Il-BĊE jikkonkludi l-valutazzjoni komprensiva ta’ ħames banek Bulgari
- 18 ta' Lulju 2019
- 4 Novembru 2016
-
Il-BĊE jikkonkludi l-valutazzjoni komprensiva ta’ erba’ banek
- 14 ta' Novembru 2015
-
Il-BĊE jikkonkludi l-valutazzjoni komprensiva ta’ disa’ banek
- 31 ta' Ottubru 2015
-
Il-BĊE jsib defiċit totali fil-kapital ta’ EUR 14.4 biljun għal erba’ banek Griegi sinifikanti
- 26 ta' Ottubru 2014
-
L-analiżi fil-fond tal-BĊE turi li jeħtieġ li l-banek jieħdu azzjoni ulterjuri