Djalogu tal-BĊE maż-Żgħażagħ

Li jkollok fehmiet differenti involuti, li jkollok nies li jistgħu jikkontestaw id-deċiżjonijiet ta’ persuni f’pożizzjoni eżekuttiva, naħseb, huwa kruċjali għal governanza tajba.
– Andrea Enria

Kumpanniji kbar tat-teknoloġija kbira għandhom ammont kbir ta' informazzjoni u klijenti marbuta. Dan huwa qasam li jien imħasseb dwaru: pagamenti, forex u krediti tal-konsumatur – u kif dan jista’ jaffettwa s-servizzi bankarji.
– Andrea Enria

Sakemm ma jkunx hemm ir-rieda politika meħtieġa biex jitlestew il-partijiet neqsin tal-Unjoni Bankarja – inkluża skema ta’ depożitu komuni sħiħa – irridu nieħdu passi tekniċi żgħar biex inaqqsu r-riskji kbar ta' stabbiltà li jirriżultaw mill-arkitettura mhux kompluta preżenti.
– Elisa Ferreira

L-Intelliġenza artifiċjali tista’ tintuża wkoll fuq in-naħa ta' sorveljanza. Nistgħu nużawha biex nidentifikaw id-dwal ħomor li jgħinu lill-banek jimmaniġġjaw ir-riskji tagħhom.
– Andrea Enria

Irridu naħdmu fuq AI trasparenti u spjegabbli biex niżguraw li l-prodotti jkunu ġusti, trasparenti u affidabbli għas-soċjetà inġenerali.
– Bernardo Caldas, parteċipant (Kap tax-xjenza tad-dejta u l-intelliġenza artifiċjali f'Novo Banco)

Il-bankiera għandhom iħarsu lil hinn mill-orizzont fuq medda qasira ta’ żmien meta jimmaniġġjaw ir-riskji biex jindirizzaw it-tibdil fil-klima. Għadna ma sfidajniex dan in-nuqqas ta’ viżjoni
– Andrea Enria

Il-ġenerazzjoni tagħkom intlaqtet b’mod partikolari mill-kriżi finanzjarja, u l-bidu ta’ karriera fil-finanzi dak iż-żmien bilfors kellu jkun verament diffiċli Il-bidla ewlenija meħtieġa hija l-kultura, jiġifieri l-mod kif il-bankiera jipperċepixxu r-responsabbiltajiet tagħhom – ukoll lejn is-soċjetà inġenerali. Dan ma jistax jiġi rranġat bir-regoli, imma jrid jiġi mitmugħ mis-settur innifsu.
– Andrea Enria

Bdejna mix-xejn fi proċess evoluzzjonarju qawwi. – Danièle Nouy

Stajna nużaw, pereżempju servizzi HR u IT stabbiliti diġà fil-BĊE. – Sabine Lautenschläger

Jekk għandek edukazzjoni soda, tista’ titgħallem il-bqija. U xejn ma tiddejjaq – kultant nixtieq li kienet iktar tedjanti! Dejjem hemm xogħol x’tagħmel. – Danièle Nouy

Ma humiex valuti – huma assi diġitali. – Sabine Lautenschläger

Huma tip ta’ każinò! – Danièle Nouy

Xogħlna hu li nkunu żguri li l-banek huma reżiljenti u huma lesti għall-kriżi li jmiss, tiġi meta tiġi. – Danièle Nouy

Jekk ikollok iċċaqlaq 26 awtorità u 3,000 impjegat u tiżgura t-trattament ugwali lil kulħadd, jeħtieġ li jkollok proċeduri. Allura ma tkunx burokrazija, imma mezz kif tiġi żgurata l-kredibbiltà. – Sabine Lautenschläger

Il-Banek Ewropej bdew bi €1 triljun ta’ self li ma jirrendix. Issa qegħdin €650 għaliex implimentajna l-aħjar għodod. – Danièle Nouy

Xogħli l-iktar li nħobbu nhar ta’ Ġimgħa! Ħafna minna niltaqgħu għal laqgħa regolari dakinhar u dejjem huwa ta’ sodisfazzjon kbir biex tara l-impenn ta’ kulħadd, biex titgħallem mill-gruppi differenti ta' esperjenza u biex tfassal il-ġejjieni tas-superviżjoni bankarja Ewropea flimkien. – Sabine Lautenschläger

Il-BĊE joffri traineeships fis-superviżjoni lil studenti minn ħafna oqsma tal-istudju differenti. Sempliċiment żomm għajnejk fuq il-websajt! – Danièle Nouy

Ir-reputazzjonijiet tal-banek sofrew minħabba l-kriżi. Kif se nerġgħu niksbu l-fiduċja tan-nies?

L-etika hi kruċjali. Jeħtieġ li l-banek ikollhom perspettiva ta' tul ta' żmien u jaġixxu skont l-etika. Inti tista' tgħin biex is-servizzi bankarji jsiru aktar siguri u aħjar.

Qed nagħmlu ħilitna kollha biex nadattaw għall-ambjent ġdid li ninsabu fih. Ir-regolaturi qed jagħmlu l-istess?

Iva, qed naħdmu bis-serjetà bħalek biex nagħmlu l-adattament. Jien ili naħdem fis-superviżjoni għal 40 sena, imma qed nitgħallem xi ħaġa ġdida kuljum. Dan hu l-aspett sabiħ ta' dan ix-xogħol. Dan ix-xogħol hu intellettwalment stimolanti ħafna!

Fil-fehma tiegħi, waħda mill-akbar theddidiet għas-servizzi bankarji Ewropej hi d-dħul ta' parteċipanti ġodda. Inti x'taħseb dwar fintech?

Naħseb li l-innovazzjoni hi ta' importanza ewlenija. Dejjem se jkun hemm klijenti li jippreferixxu jħallsu għal servizzi bankarji tradizzjonali, waqt li oħrajn, bħan-neputija tiegħi, jagħmlu kollox bit-telefon. Hemm lok għal kull xorta ta' banek. iżda l-fintechs li joffru servizzi bankarji se jkunu taħt superviżjoni bħala banek.

Taħseb li għandu jkun hemm aktar amalgamazzjonijiet u akkwisti fl-Ewropa?

Għandna bżonn inqas banek, iżda hemm modi differenti kif nistgħu insolvu din il-kwistjoni. Il-banek jistgħu jingħalqu jew jistgħu jiġu amalgamati. Iżda l-amalgamazzjonijiet jeħtieġ li jkunu strateġiċi biex ir-riżultat ikun dak ta' banek sostenibbli. Żewġ irġiel mifluġin ma jagħmlux wieħed b'saħħtu - speċjalment jekk ikunu morda wkoll!

Veru ħadt gost niltaqgħa ma' dawn iż-żgħażagħ - ħejjew mistoqsijiet veru tajbin dwar ħafna suġġetti. Ma kienux mistħijin!

Tkellmet b'mod veru ċar u naħseb li din kienet esperjenza ta' tagħlim u tassew pożittiva. Kienet informali, naturali, tassew ħassejtni komda. – Marcela Nario

Naħseb li dan hu mod mill-isbaħ għall-iskambju ta' fehmiet ma' żgħażagħ li jaħdmu fil-banek. – Federico Power Esteban