Politika lingwistika ta' din il-websajt
F’din il-websajt issib informazzjoni dwar is-superviżjoni bankarja tal-BĊE – il-fergħa superviżorja tal-Bank Ċentrali Ewropew – fl-24 lingwa uffiċjali tal-Unjoni Ewropea (UE).
L-informazzjoni kollha hija disponibbli bl-Ingliż, imma aħna niżguraw li l-kontenut ewlieni, u speċjalment informazzjoni li x’aktarx tkun ta’ interess għaċ-ċittadini Ewropej, tkun disponibbli f'lingwi uffiċjali oħra tal-UE wkoll.
X’tista’ ssib fil-lingwa tiegħek?
Dawn il-paġni ewlenin huma disponibbli bl-Ingliż u b’ħafna lingwi uffiċjali oħra tal-UE: il-paġna ewlenija, il-paġni tad-dħul għas-sitt taqsimiet kollha u l-paġni kollha fit-taqsimiet “Dwar”, “Prattiki superviżorji”, “Organizzazzjoni u Governanza” u “Qafas Legali u ta’ Politika”.
Xi kontenut tal-websajt jiġi tradott f'lingwi magħżula tal-UE u jista’ jkun disponibbli f’lingwa li tifhem, anki jekk mhux fl-ilsien nattiv tiegħek. Xi diskorsi, intervisti u blog posts mill-President u membri oħra tal-Bord Superviżorju huma wkoll disponibbli f’lingwi oħra barra l-Ingliż. L-istqarrijiet għall-istampa normalment ikunu disponibbli bl-Ingliż u, jekk relevanti għall-pubbliku usa’ lil hinn minn udjenzi esperti, f’lingwi uffiċjali oħra tal-UE.
Il-leġiżlazzjoni tal-BĊE hija ġeneralment ippubblikata fil-lingwi uffiċjali kollha tal-UE u hija disponibbli fl-EUR-Lex.
Tista’ ssib kontenut fuq il-konsultazzjonijiet pubbliċi tagħna f’għażla ta’ lingwi. Aħna naċċettaw kontribuzzjonijiet għal konsultazzjonijiet pubbliċi fil-lingwi uffiċjali kollha tal-UE.
Tista’ ssib ukoll informazzjoni dwar is-superviżjoni bankarja u suġġetti oħra relatati fil-lingwa magħżula tiegħek fil-websajts tal-banek ċentrali nazzjonali tal-UE.
Applikazzjoni tal-politika lingwistika tagħna
Jekk taċċetta l-cookies tagħna, tgħinna niksbu statistika aggregata dwar id-domanda għal traduzzjonijiet ta’ paġni individwali u taqsimiet tal-websajt tagħna. Dan ifisser li nistgħu nimmiraw lejn dak li hu jeħtieġ għal traduzzjoni għall-quddiem. Jekk paġna tal-websajt għadha mhix disponibbli fil-lingwa tal-għażla tiegħek, issib dikjarazzjoni f'dak is-sens fil-paġna.
Id-Direttorat Ġenerali tal-Komunikazzjonijiet tal-BĊE jieħu ħsieb li japplika din il-politika lingwistika.
Jekk tixtieq issaqsi domanda lill-Bank Ċentrali Ewropew, tista' tikkuntattjana billi tuża l-formola ta' talba għall-informazzjoni fi kwalunkwe lingwa uffiċjali tal-UE.