Kompiti
Fil-Mekkaniżmu Superviżorju Uniku, il-BĊE għandu f’idejh is-superviżjoni tal-banek sinifikanti tal-pajjiżi parteċipanti. Biex nagħmlu hekk, aħna naħdmu flimkien mal-awtoritajiet nazzjonali ta’ dawn il-pajjiżi.
Timijiet Superviżorji Konġunti
Il-banek inqas sinifikanti huma sorveljati mill-awtoritajiet superviżorji nazzjonali filwaqt li l-BĊE jiżgura approċċ konsistenti madwar l-Ewropa.
Lista ta’ banek suġġetti għas-superviżjoni
L-għanijiet tagħna
B'ħidma flimkien taħt il-Mekkaniżmu Superviżorju Uniku, il-BĊE u s-superviżuri nazzjonali għandhom l-għan li:
- jiżguraw is-sigurtà u s-solidità tas-sistema bankarja Ewropea
- isaħħu l-integrazzjoni u l-istabbiltà finanzjarja fl-Ewropa
- jiżguraw li s-superviżjoni tkun konsistenti
Għodod mikroprudenzjali
L-għodod mikroprudenzjali jikkonċentraw fuq l-isfida u l-ittestjar tar-riskji ta’ banek individwali. B'dan il-mod, jikkontribwixxu għal sistema bankarja sigura fl-Ewropa.
Il-BĊE għandu s-setgħa li:
- jagħmel rieżamijiet superviżorji, fosthom testijiet tal-istress
- jagħmel spezzjonijiet fuq il-post u investigazzjonijiet
- jagħti jew jirtira l-liċenzji bankarji
- jawtorizza akkwisti ta' parteċipazzjonijiet kwalifikati
- jiżgura li jkun hemm konformità mar-regoli prudenzjali tal-UE
- jgħolli r-rekwiżiti tal-kapital (“bafers”) biex jilqa' għar-riskji finanzjarji
- jimponi miżuri korrettivi u sanzjonijiet
Għodod makroprudenzjali
Is-superviżjoni makroprudenzjali tirriferi għall-approċċ ġenerali li jintuża biex jiżgura l-istabbiltà tas-sistema finanzjarja tal-Ewropa billi tiġi limitata l-akkumulazzjoni ta’ riskji aggregati fi ħdan is-sistema.
Il-BĊE jista’
- japplika rekwiżiti ogħla għall-banek, bħalma huma bafers kontroċikliċi
- jikkummenta fuq u joġġezzjona għall-miżuri minn awtoritajiet nazzjonali
Websajt tal-BĊE: Stabbiltà finanzjarja u politika makroprudenzjali