Kif titħallas it-tariffa superviżorja

It-tariffa superviżorja annwali tista’ titħallas bl-użu ta’ wieħed minn dawn il-metodi ta’ ħlas:

  • Debitu dirett bis-SEPA (Żona Unika ta’ Pagamenti bl-Euro)
  • Trasferiment ta’ kreditu bis-SEPA
  • Trasferiment ta’ kreditu bit-TARGET2

Debitu dirett bis-SEPA

Id-debitu dirett bis-SEPA huwa l-metodu ta’ ħlas irrakkomandat.

Il-BĊE l-ewwel jinnotifika lid-debitur tariffarju li jkun wasal biex isir ħlas b’debitu dirett, u mbagħad jibda proċess ta’ debitu dirett biex it-tariffa superviżorja tidħol bħala kreditu fil-kont bankarju tal-BĊE sad-data dovuta.

Mandat ta’ debitu dirett bis-SEPA jagħti lid-debitur tariffarju d-dritt li:

  • jirrevoka x’ħin irid l-awtorizzazzjoni ta’ debitu dirett mogħtija lill-BĊE
  • jieħu rimborż tal-ammont sħiħ jekk dan jintalab fi żmien tmien ġimgħat mid-data li fiha l-kont bankarju tad-debitur tariffarju jkun ġie ddebitat

Trasferiment ta’ kreditu bis-SEPA jew TARGET2

Għal trasferimenti ta’ kreditu permezz tas-SEPA jew TARGET2, id-debitur tariffarju jibda l-proċess tal-ħlas tariffarju superviżorja sad-data dovuta. Il-ħlas jitqies li jkun sar sad-data dovuta jekk l-ammont sħiħ jidħol bħala kreditu fil-kont bankarju tal-BĊE fi żmien 35 jum mill-ħruġ tal-avviż tariffarju.

Proċess ta’ fatturazzjoni

Il-BĊE joħroġ avviżi tariffarji superviżorji lid-debituri tariffarji kull sena.

Ħlasijiet li jkunu qabżu

Jekk il-ħlasijiet ma jsirux fil-ħin jew ma jkunux sħaħ, il-BĊE għandu d-dritt jimponi l-imgħax.

L-imgħax jakkumula minn jum għal jum fuq l-ammont pendenti b’rata ta’ mgħax ekwivalenti għar-rata ewlenija ta’ rifinanzjament tal-BĊE b’żieda ta’ 8 punti perċentwali mid-data li fiha l-ħlas kien dovut.

Mistoqsijiet dwar l-avviż tariffarju

Għal mistoqsijiet ġenerali dwar l-avviż tariffarju, jekk jogħġbok żur is-sezzjoni tal-mistoqsijiet komuni jew ikkuntattjana fi SSM-fee-enquiries@ecb.europa.eu.

Mistoqsijiet komuni