Portal SSM

Min jista’ juża l-portal SSM

Il-portal SSM jista’ jintuża minn banek taħt superviżjoni (sinifikanti jew inqas sinifikanti) u partijiet terzi (entitajiet mhux taħt superviżjoni jew persuni fiżiċi) skont il-kategorija tal-proċess.

Proċessi disponibbli permezz tal-Portal SSM

Għal banek sinifikanti u inqas sinifikanti

• Akkwist ta’ parteċipazzjonijiet azzjonarji kwalifikanti (disponibbli wkoll għal partijiet terzi) - Linji Gwida Konġunti dwar il-valutazzjoni prudenzjali ta’ akkwisti u żidiet fil-parteċipazzjonijiet kwalifikanti fis-settur finanzjarju
• Notifiki ta’ passaportar
• Liċenzjar (disponibbli wkoll għal partijiet terzi) — Gwida għall-valutazzjonijiet tal-applikazzjonijiet għal-liċenzji
• Irtirar volontarju ta’ awtorizzazzjoni

Għal banek sinifikanti biss

• Spezzjonijiet fuq il-post għall-analiżi tal-kwalità tal-kreditu
  
• Valutazzjonijiet tal-kompetenza u tal-idoneità – Gwida għal valutazzjonijiet tal-kompetenza u tal-idoneità
• Mudelli interni:
  • Tibdil u estensjonijiet tal-mudell mhux materjali
    Struzzjonijiet għall-entitajiet taħt superviżjoni li jimlew il-formoli ta’ notifika tal-NMC
  • Rapportar tal-valutazzjoni tal-mudell
    Monitoraġġ kontinwu tal-mudell
    Struzzjonijiet dwar il-mili tal-formola tar-rapportar tar-riżultati tal-validazzjoni għal mudelli interni
  • Proċess tal-(pre-)applikazzjoni
    Investigazzjonijiet interni tal-mudell

• Kumpaniji azzjonarji finanzjarji (imħallta) (disponibbli wkoll għal istituzzjonijiet inqas sinifikanti u partijiet terzi li se jsiru parti minn grupp sinifikanti taħt superviżjoni) 

• Notifika ta’ arranġamenti ta’ partijiet terzi - Struzzjonijiet għal entitajiet taħt superviżjoni li jimlew formola ta’ notifika ta’ arranġament ta’ parti terza

• Miżuri superviżorji – Struzzjonijiet għall-monitoraġġ u għall-ġestjoni ta’ miżuri superviżorji pendenti

• Amalgamazzjonijiet (disponibbli wkoll għal istituzzjoni inqas sinifikanti li se jsiru istituzzjoni sinifikanti wara l-amalgamazzjoni)

• Diviżjonijiet

Sistema ta’ użu

L-użu tal-portal SSM huwa obbligatorju bil-liġi jew bħala prattika amministrattiva f’xi pajjiżi u volontarju f’oħrajn, skont ukoll il-kategorija tal-proċess. Għal informazzjoni dettaljata tista’ tikkonsulta s-sistema tal-użu.

Kif tikseb aċċess

Il-banek taħt superviżjoni jistgħu joħolqu l-utenti tagħhom stess u jiġġestixxu l-aċċess tal-utenti tagħhom għall-portal SSM. Huma jaħtru amministraturi delegati li jwettqu dan il-kompitu.

Il-BĊE jaġixxi bħala l-amministratur ta’ kontijiet ta’ utenti terzi.

Banek taħt superviżjoni (sinifikanti u inqas sinifikanti)

Biex tirreġistra bank taħt superviżjoni ġdid, jekk jogħġbok żur l-app ta’ reġistrazzjoni tal-portal SSM.

Għall-banek li huma diġà rreġistrati, l-amministraturi ddelegati jistgħu jaċċessaw il-Portal tal-Identità tal-BĊE u l-portal SSM biex iżidu utenti ġodda u jagħtu permessi lil utenti individwali, rispettivament. Dawn l-amministraturi mbagħad jaħtru ulterjorment amministraturi ddelegati għall-organizzazzjoni tagħhom fil-Portal tal-Identità tal-BĊE.

Struzzjonijiet dettaljati dwar kif taċċessa l-portal jistgħu jinstabu fil-gwidi t’hawn taħt.

Manwal tal-utent għal amministraturi ddelegati Kif taċċedi għall-portal SSM għall-ewwel darba Spjegazzjoni tal-portal SSM: kif naċċedi għal proċessi differenti Gwida Rapida għall-applikazzjonijiet superviżorji

Partijiet terzi (entitajiet mhux taħt superviżjoni u persuni fiżiċi)

Il-kontijiet ta’ utenti terzi huma amministrati mill-BĊE. Biex tirreġistra, timmodifika jew tħassar kont ta’ utent terz, jekk jogħġbok żur l-app ta’ reġistrazzjoni tal-portal SSM. 

Kif tirċievi appoġġ

Għal kwistjonijiet tekniċi relatati mal-portal SSM jew mal-Portal tal-Identità tal-BĊE, jekk jogħġbok ikkuntattja liċ-Ċentru ta’ Appoġġ tal-BĊE fuq supportcenter@ecb.europa.eu jew +49 69 1344 7766.

Għal mistoqsijiet kummerċjali, jekk jogħġbok ikkuntattja lill-Awtorità Nazzjonali Kompetenti tiegħek. Tista’ ssib id-dettalji ta’ kuntatt fil-portal SSM. Speċifikament għall-mudelli interni, jekk jogħġbok ikkuntattja lit-Tim Superviżorju Konġunt tiegħek.