Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont

Kif tiġi kkalkulata t-tariffa superviżorja annwali?

Il-BĊE jikkalkula l-ispejjeż annwali tal-kompiti superviżorji tiegħu biex jiddefinixxi l-ammont totali tat-tariffi superviżorji annwali.

Tariffi annwali totali

Kemm iħallas kull bank?

It-tariffa superviżorja annwali ta’ kull bank tikkonsisti minn:

  • komponent tariffarju minimu
  • komponent tariffarju varjabbli

Komponent tariffarju minimu

Il-komponent tariffarju minimu jitqies fuq perċentwali fiss tal-ammont totali tat-tariffi annwali tal-banek sinifikanti u inqas sinifikanti.

Komponent tariffarju minimu
Banek sinifikanti

Il-perċentwali fiss huwa 10% tal-ammont totali tat-tariffi annwali tal-banek sinifikanti u jinqasam indaqs bejn id-debituri tariffarji ta’ din il-kategorija.

Għal istituzzjonijiet sinifikanti żgħar b’assi totali ta’ €10 biljun jew inqas fl-ogħla livell ta’ konsolidament, il-komponent tariffarju minimu jonqos bin-nofs.

Banek inqas sinifikanti

Il-perċentwali fiss huwa 10% tal-ammont totali tat-tariffi annwali tal-banek inqas sinifikanti u jinqasam indaqs bejn id-debituri tariffarji ta’ din il-kategorija.

Għal istituzzjonijiet inqas sinifikanti żgħar b’assi totali ta’ €1 biljun jew inqas fl-ogħla livell ta’ konsolidament, il-komponent tariffarju minimu jonqos bin-nofs.

Fiex jikkonsisti l-komponent tariffarju varjabbli?

Il-komponent tariffarju varjabbli huwa dak li jibqa' mill-ammont totali ta' tariffi annwali wara li jitnaqqas il-komponent tariffarju minimu (inkluż l-iskont mogħti lil banek iżgħar f'kull kategorija).

Kull bank iħallas sehem minn dan l-ammont skont l-importanza u l-profil tar-riskju tiegħu. Dan ifisser li banek kbar u b’riskji kbar għandhom komponent tariffarju varjabbli iżjed għoli.

Ikkalkula t-tariffa tiegħek

L-informazzjoni f’din it-taqsima hija pprovduta għal skopijiet indikattivi biss sabiex tgħinek tikkalkula t-tariffa tiegħek. Il-BĊE se jikkalkula t-tariffa attwali tiegħek fuq il-bażi tal-fatturi tariffarji li tipprovdi, u l-ammont preċiż impost mill-BĊE se jiġi ddikjarat fl-avviż tat-tariffa superviżorja annwali tiegħek.

Il-kalkolatur tal-istima tat-tariffi hawn taħt juża l-ispejjeż mistennija għall-perijodu tat-tariffa, filwaqt li t-tariffi attwali miġbura mill-BĊE huma bbażati fuq l-ispejjeż attwali mġarrba. Barra minn hekk, id-data dwar in-numru medju ta’ debituri tariffarji u l-fatturi tariffarji tagħhom mhux se jkunu magħrufa sakemm dawk it-tariffi jiġu attwalment imposti, għalhekk il-kalkolatur ta’ stima juża data dwar debituri tariffarji u fatturi tariffarji għas-sena ta’ qabel. Għalhekk, l-istima tat-tariffa hija biss indikattiva.

Barra minn hekk, korrezzjonijiet retroattivi jsiru għat-tariffi meta s-sitwazzjoni ta’ bank tinbidel wara d-data tal-għeluq għall-kalkolu annwali tat-tariffi superviżorji, jew meta dawk il-bidliet ma jkunux ivvalidati mill-awtorità nazzjonali kompetenti sad-data tal-għeluq.

Sabiex tikkalkula t-tariffa superviżorja annwali tiegħek għall-2023, teħtieġ l-informazzjoni li ġejja.

Komponent tariffarju minimu

Biex tagħmel stima tal-komponent tariffarju minimu, ser ikollok bżonn:

  • spejjeż annwali totali stmati għall-kategorija tiegħek (banek sinifikanti jew inqas sinifikanti)
    Spejjeż annwali stmati għall-perijodu tariffarju 2023 (EUR miljuni) Banek sinifikanti Banek inqas sinifikanti
      618.8 30.2
  • Numru medju ta' debituri tariffarji:
    Numru medju ta' debituri tariffarji sat-tmiem il-perijodu tariffarju 2022 Banek sinifikanti Banek inqas sinifikanti

    110 2,130
    Nota: In-numru ta' debituri tariffarji huwa differenti min-numru ta' banek taħt superviżjoni.
    Numru medju ta’ debituri tariffarji fi snin preċedenti
    Numru medju ta' debituri tariffarji Banek sinifikanti Banek inqas sinifikanti
    għall-perijodu tariffarju 2021 114 2,215
    għall-perijodu tariffarju 2020 112 2,318
    sa l-aħħar ta’ Lulju 2019 112 2,440
    sa l-aħħar ta’ Lulju 2018 115 2,766
    sa l-aħħar ta’ Lulju 2017 119 2,916
    sa l-aħħar ta’ Lulju 2016 126 3,077
    sa l-aħħar ta’ Lulju 2015 117 3,193
    sa l-aħħar ta’ Lulju 2014 115 3,191
    Nota: In-numru ta' debituri tariffarji huwa differenti min-numru ta' banek taħt superviżjoni.
  • Numru ta’ banek sinifikanti u gruppi bankarji sinifikanti li għalihom il-komponent tariffarju minimu għandu jitnaqqas bin-nofs fl-2022 (i.e. dawk b'assi totali ta' €10 biljun jew inqas): 11
  • Numru ta’ banek sinifikanti u gruppi bankarji sinifikanti li għalihom il-komponent tariffarju minimu tnaqqas bin-nofs fl-2022 (i.e. dawk b'assi totali ta' €1 biljun jew inqas): 1,192

Komponent tariffarju varjabbli

Biex tagħmel stima tal-komponent tariffarju, ser ikollok bżonn:

  • il-fatturi tariffarji tiegħek stess (assi totali u skopertura totali għar-riskju)
  • it-total tal-fatturi tariffarji: is-somma tal-assi totali u l-iskopertura totali għar-riskju fil-kategorija tiegħek ta' banek taħt superviżjoni (sinifikanti jew inqas sinifikanti) kif jidher fit-tabella hawn taħt. Assi ta' sussidjarji li jinsabu fi Stati Membri mhux parteċipanti u pajjiżi terzi huma esklużi fit-tabella. Bħala regola, il-banek għandhom jeskludu assi bħal dawn għall-finijiet tal-kalkolu tal-fatturi ta’ ħlas tagħhom. Madankollu, gruppi bankarji taħt superviżjoni jistgħu jiddeċiedu li jinkluduhom (eż. jekk iqisu li l-piż biex jikkalkulaw l-ammonti li għandhom jiġu esklużi jkun akbar mit-tnaqqis mistenni fit-tariffa superviżorja).

    Il-valuri medji tal-fatturi tariffarji aggregati (EUR biljuni); għall-perijodu tariffarju 2022 Banek sinifikanti Banek inqas sinifikanti
    Assi totali 23,165 4,934
    Espożizzjoni totali għar-riskju 7,158 2,369
    Valuri tal-fatturi tariffarji għas-snin preċedenti
    Il-valuri medji tal-fatturi tariffarji aggregati (EUR biljuni); għall-perjodu tariffarju 2021 Banek sinifikanti Banek inqas sinifikanti
    Assi totali 22,232 4,751
    Espożizzjoni totali għar-riskju 6,930 2,248
    Il-valuri medji tal-fatturi tariffarji aggregati (EUR biljuni); għall-perjodu tariffarju 2020 Banek sinifikanti Banek inqas sinifikanti
    Assi totali 20,218 4,515
    Espożizzjoni totali għar-riskju 6,846 2,226
    Il-valuri medji tal-fatturi tariffarji aggregati (EUR biljuni); għall-perjodu tariffarju 2019 Banek sinifikanti Banek inqas sinifikanti
    Assi totali 19,573 4,415
    Espożizzjoni totali għar-riskju 6,610 2,133
    Il-valuri medji tal-fatturi tariffarji aggregati (EUR biljuni); għall-perjodu tariffarju 2018 Banek sinifikanti Banek inqas sinifikanti
    Assi totali 19,197 4,675
    Espożizzjoni totali għar-riskju 6,382 2,180
    Il-valuri medji tal-fatturi tariffarji aggregati (EUR biljuni); għall-perjodu tariffarju 2017 Banek sinifikanti Banek inqas sinifikanti
    Assi totali 19,781 4,625
    Espożizzjoni totali għar-riskju 6,577 2,141
    Il-valuri medji tal-fatturi tariffarji aggregati (EUR biljuni); għall-perjodu tariffarju 2016 Banek sinifikanti Banek inqas sinifikanti
    Assi totali 20,233 4,469
    Espożizzjoni totali għar-riskju 6,773 2,137
    Il-valuri medji tal-fatturi tariffarji aggregati (EUR biljuni) għall-perijodi tariffarji 2015 u 2014 Banek sinifikanti Banek inqas sinifikanti
    Assi totali 20,527 4,669
    Espożizzjoni totali għar-riskju 6,811 2,219

Ikkalkula t-tariffa tiegħek

Id-data ta’ hawn fuq ġiet integrata f’għodda ta’ kalkolu li tgħinek tagħmel stima tat-tariffa superviżorja annwali tal-bank tiegħek. Jekk jogħġbok ikklikkja fuq il-link hawn taħt u segwi l-istruzzjonijiet fil-fajl.

Kalkolatur tal-istima tariffarja

Il-paġni kollha f’din it-taqsima

Il-Whistleblowing (l-iżvelar ta’ informazzjoni protetta)