Deċiżjonijiet
Għandna l-awtorità li nieħdu deċiżjonijiet superviżorji li l-banek taħt is-superviżjoni tagħna huma legalment meħtieġa li jsegwu.
Kif nieħdu d-deċiżjonijiet?
Il-Bord Superviżorju jħejji abbozzi ta’ deċiżjonijiet, li mbagħad jiġu adottati mill-Kunsill Governattiv skont proċedura ta’ nuqqas ta’ oġġezzjoni. Jekk il-Kunsill Governattiv ma joġġezzjonax f’perjodu ta’ żmien definit, id-deċiżjoni titqies li tkun ġiet adottata.
Id-dmir tagħna li nispjegaw id-deċiżjonijiet tagħna
Id-deċiżjonijiet superviżorji tagħna huma akkumpanjati minn raġunament ċar li jistabbilixxi l-fatti materjali, ir-raġunijiet legali u l-kunsiderazzjonijiet superviżorji li fuqhom hija bbażata d-deċiżjoni.
Id-dritt tal-banek li jinstemgħu
Il-banek affettwati mill-abbozzi ta’ deċiżjonijiet tagħna jrid ikollhom l-opportunità li jikkummentaw dwar dawn id-deċiżjonijiet qabel ma jiġu adottati. Dan jiżgura li jkunu jistgħu jirrispondu għall-analiżi fattwali u legali tagħna, u jfisser ukoll li t-teħid tad-deċiżjonijiet tagħna huwa bbażat fuq sett sħiħ ta’ informazzjoni.
Id-dritt tal-banek li jaċċessaw fajls superviżorji
Il-banek għandhom id-dritt li jaċċessaw il-fajl superviżorju qabel ma tiġi adottata deċiżjoni li tista’ taffettwahom b’mod negattiv. Huma jistgħu jaċċessaw il-fajl mill-bidu tal-proċedura superviżorja sakemm id-deċiżjoni tkun finali.
Prinċipju ta’ separazzjoni
Biex nevitaw kunflitti ta’ interess potenzjali bejn il-politika monetarja u r-responsabbiltajiet superviżorji tal-BĊE, inżommu l-objettivi, il-proċessi tat-teħid tad-deċiżjonijiet u l-kompiti tagħna separati.